06 novembro 2008

Paisaxes na cidade

Ademáis do skyline das cidades; que tan ben se poden ollar ás chegadas a elas, dende a autoestrada cara Compostela, dende Puxeiros cara Vigo, dende O Viso cara Ourense; e ademáis da textura das rúas e das zonas verdes de cada urbe, unha característica importantísima de cada cidade son as súas xentes.
Hai persoas que pola súa importancia social ou ben o seu cotiá estar na rúa, son parte mesma da cidade, e cando eles faltan, sofre o entorno coa ausencia.
As rúas de Compostela non son as mesmas desde que xa non pisa nelas o xornalista Diego Bernal, ou Guillermo Domínguez ou Constantino García, que nos deixou para sempre hai ben pouco.
Collín e volvín ler "Peneirando palabras" cando souben do seu pasamento, en pequena homenaxe a quen tivo a vocación de ensinar o que sabía.
Non volveremos atopar no Franco a Bernal, nin nas librarías ou xogando ao tenis a Guillermo, nin a D. Constantino polo Campus adiante, e todo vai sendo cada vez máis estrano, menos recoñecible, porque habendo xente nova que ocupa espazos baleiros antes cubertos, nunca se substituen aqueles que foron indo para alá.

Etiquetas:

3 Comentarios:

Blogger paideleo said...

Non sabía que morrera Constantino García. Eu teño case todos os libros que publicou La Voz De Galicia cos seus artigos.

12:48 da manhã  
Blogger bouzafria said...

Por certo, esquecinme de darlle os parabéns.

10:17 da manhã  
Blogger paideleo said...

Graciñas, logo.

12:29 da manhã  

Enviar um comentário

<< Home