31 dezembro 2007

2007

Remata o 2007, e se as horas que faltan non me contradín, podería dicer que foi un ano bo: Na familia houbo unha alta e ningunha baixa; e dende alén mar anúncianos outra alta para o vindeiro curso. Tiven traballo e gardo ansias por facer e encetar novas aventuras. Non estaría mal que as cousas se repetisen de eiquí en 366 días.
Houbo sombras: dende Ourense as inquedanzas de saúde dun bo curmán, que segue a loitar. Desexo seguir vendo como medran os nenos, e mudan as árbores.

Outras cousas: Cine: o mellor que vin foi "Das leben der anderen".
Teatro: Excelente: "Noite de Reis" do CDG.
Literatura: As obras que me quitaron horas de sono, porque non era capaz de as deixar sen rematar, procedían da autoría de Domingo Villar, Rubén Ruibal e Eduardo Blanco Amor.
Na que se xuntou máis pracer e ansia de coñecemento foi "Historias del Calcio".
E a relectura máis gorentosa: Red Harvest.
Música: Espido, Marful, Nordestinas.

E eu non digo nada.

Etiquetas:

4 Comentarios:

Blogger O Raposo said...

Feliz 2mil8, pois.

1:23 da tarde  
Anonymous Hipatia said...

Señor, k teña un bo 2008 vostede e a súa familia, e permítame recomendarlle a mellor das k eu leín: 1280 almas, de Jim Thompson.

9:29 da manhã  
Blogger bouzafria said...

Graciñas e igualmente, raposo.
De 1280 almas teño a lembranza de seren un libro magnífico pero demoledor. Ao tempo da súa lectura, mediante préstamo do último gañador do Memorial Guilermo Domínguez, pensei que chegaba ao nivel de Raymond Chandler e por conseguinte un chisquiño máis baixo que Dashiell Hammett.
De todos modos son calificacións puramente académicas: Nick Corey é un personaxe inesquecible. E Thompson é un dos máis grandes do xénero.
Falando do xénero noir: Seica o padre de Enric González, o de Historias del Calcio, é González Ledesma, un dos mellores escritores en castelán: nunca lin nada del, téñolle gañas.

1:40 da tarde  
Anonymous r.r. said...

:-O
Diolopaje!

Apúntome o resto das recomendacións. Díxenlle aí atrás na miña casa virtual que teño un agasallo en proxecto para vostede. Pero terá que ser, como pouco, para despois do verán.

12:26 da tarde  

Enviar um comentário

<< Home