Mil películas

O xornal inglés The Guardian publicou na última semana de xuño a súa lista de mil películas que segundo eles "hai que ver antes de morrer". Como todas as listas, esta non ía ser unha excepción, rechaman algunhas ausencias e máis aínda algunhas presenzas. Como era de prever, destácase unha ampla maioría relativa de films británicos, con algunhas pinguiñas consoladoras para as cinematografías de fala non imperial.
Dende logo non estou de acordo con esa lista - nin case con calquera -, pero foi no relativo ás películas de idiomas ibéricos onde as eleicións foron - segundo os meus criterios - máis disparatadas.
De seguido a xeira destas películas que seica merecen ser vistas antes de morrer (respecto o idioma inglés do título, as traduccións son obvias):
1. All about my Mother. Pedro Almodóvar. 1999
2. Amores perros. Alejandro González Iñárritu. 2000
3. Bombón el Perro. Carlos Sorín. 2004
4. La Ciénaga. Lucrecia Martel. 2001
5. City of God. Fernando Meirelles. 2002
6. Japón. Carlos Reygadas. 2002
7. Live Flesh. Pedro Almodóvar. 1997
8. Memories of Underdevelopment. Tomás Gutiérrez Alea. 1968
9. Los olvidados. Luis Buñuel. 1950
10. Pixote. Héctor Babenco. 1981
11. Soy Cuba. Mikhail Kalatozishvili. 1964
12. Spirit of the Beehive. Víctor Erice. 1973
13. El topo. Alejandro Jodorowsky. 1970
14. Viridiana. Luis Buñuel. 1961
15. Women on the Verge of a Nervous Breakdown. Pedro Almodóvar. 1988
16. Y tu mamá también. Alfonso Cuarón. 2001


Aínda que non se poden meter neste capacho, tamén son citadas: "Belle de Jour", "Un Chien Andalou" e "The discret charm of the Bourgeoisie" de Buñuel, e máis "The Others" de Amenábar.

Dezaseis, sumando portugués e castelán, entre mil películas. Porcentaxe ridícula. E moi discutibles as presenzas e clamorosas as ausencias. ¿Valen de algo estas listas, estes xogos? Si, para recordar as citadas e para nos mergullar nas nosas esquecidas sensacións para atopar as que non están.